མི་དམངས་དྲ་བ།

༄༅།།“སི་ཁྲོན་གྱི་རིག་གནས་ཀྱི་སྙིང་བཅུད་དང་ཉམས་འགྱུར”གྱི་ཆེད་དོན་འཁྲབ་སྟོན་ནེ་པ་ལར་བྱས་པ།

གསར་འགྱུར་སྤེལ་དུས། 　【2025ལོའི་ཟླ་ 02ཚེས་19ཉིན། 10:06】 ཡོང་ཁུངས།：མི་དམངས་ཉིན་རེའི་ཚགས་པར། （རྩོམ་སྒྲིག་འགན་འཁུར་པ། མཁའ་འགྲོ།）

ཤིན་ཧྭ་གསར་འགྱུར་ཁང་གྲོང་ཁྱེར་ཀ་ཏ་མན་རྡུ་ནས་གློག་འཕྲིན་འབྱོར་གསལ། ཚེས་14ཉིན། ཀྲུང་གོའི་སི་ཁྲོན་ཞིང་ཆེན་གྱི་སྒྱུ་རྩལ་མཁས་ཅན་གྱིས་ནེ་པ་ལའི་རྒྱལ་ས་ཀ་ཏ་མན་རྡུ་རུ“སི་ཁྲོན་གྱི་རིག་གནས་ཀྱི་སྙིང་བཅུད་དང་ཉམས་འགྱུར”གྱི་ཆེད་དོན་འཁྲབ་སྟོན་ཐེངས་གཉིས་བྱས་པ་དང་། སྣ་མང་ཕུན་སུམ་ཚོགས་པའི་འཁྲབ་ཚན་ལ་ལྟད་མོ་བ་ཚོའི་དགའ་བསུ་ཚད་མེད་ཐོབ་པ་རེད།

ནེ་པ་ལར་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཁྲེན་སུང་གིས་ཤིས་ཚིག་སྒྲོན་སྐབས། འཁྲབ་སྟོན་གྱིས་སྒྱུ་རྩལ་གྱི་མཛེས་པ་མངོན་ནས། ཀྲུང་གོའི་རིག་གནས་ཀྱི་གསོན་ཤུགས་ཀྱིས་ཕྱུག་པའི་སྙིང་སྟོབས་དང་གསར་གཏོད་ནུས་པ་མཚོན་ཡོད་པས། རྒྱལ་ཁབ་གཉིས་པོའི་མི་དམངས་དབར་རིག་གནས་སྤེལ་རེས་དང་ཤེས་རྟོགས་བྱེད་རེས་ཟབ་ཏུ་གཏོང་བའི་འབྲེལ་ཟམ་ཞིག་ཏུ་འགྱུར་བའི་རེ་བ་ཡོད་ཅེས་བརྗོད་པ་རེད།

ནེ་པ་ལའི་ཕྱི་དོན་དྲུང་ཡིག་ལཱ་དབྱི་ཡིས་ཤིས་ཚིག་སྒྲོན་སྐབས། རིག་གནས་བྱེད་སྒོ་དེ་རིཌ་ཀྱིས་མཛའ་གྲོཌ་རྒྱལ་ཁབ་གཉིས་པོའི་དབར་གྱི་རིག་གནས་འབྲེལ་ཐག་དང་དམངས་ཁྲོད་འབྲེལ་བ་བརྟན་དུ་གཏོང་ཐུབ་ངེས་རེད། རོལ་དབྱངས་དང་། ཞབས་བྲོ། དུས་ཆེན་སོཌ་བརྒྱུད་དེ་སྤེལ་བའི་རིག་གནས་སྤེལ་རེས་ལས་རྒྱལ་ཁབ་གཉིས་པོའི་དབར་གྱི“དེ་བས་གཏིང་ཟབ་པའི་འབྲེལ་བ”མངོན་གསལ་དོད་པོས་ཟབ་ཏུ་ཕྱིན་ཡོད་ཅེས་བརྗོད་པ་རེད།

“སི་ཁྲོན་གྱི་རིག་གནས་ཀྱི་སྙིང་བཅུད་དང་ཉམས་འགྱུར”གྱི་ཆེད་དོན་འཁྲབ་སྟོན་ནེ་པ་ལར་གཉེར་བའི་ཀྲུང་གོའི་ལོ་གསར་གྱི་རིམ་སྤེལ་རྟེན་འབྲེལ་བྱེད་སྒོའི་གྲས་ཤིག་རེད།