༄༅།།མཚོ་སྔོན་གྱི“ལྗང་མདོག་དང་ཞིང་ལས”ཟུང་དུ་འབྲེལ་བའི་རྣམ་གྲངས་ཐོག་མ་ཡ་རྫིར་དོན་འཁྱོལ་བྱས་པ།

མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བ་གཞིར་བཟུང་། ཉེ་ཆར། གསར་འགོད་པས་མཚོ་ཤར་གྲོང་ཁྱེར་ཡ་རྫི་ས་ལ་རིགས་རང་སྐྱོང་རྫོང་ནས་ཤེས་རྟོགས་བྱས་པར། ཡ་རྫི་རྫོང་གི“རྨ་ཆུའི་ཞིང་འབྲོག་ཐོན་རྫས”ས་མཐོའི་དེང་རབས་ཞིང་ལས་ཐོན་ལས་གླིང་ཁུལ་དང་མཚོ་སྔོན་གྱི་དབྱི་ཀྲུང་གྲངས་འཛིན་ནུས་རྒྱུ་ཚན་རྩལ་ཚད་ཡོད་ཀུང་སིའི་དབར་མཉམ་ལས་གྲོས་མཐུན་བཞག་པ་དང་ཆབས་ཅིག མཚོ་སྔོན་ཞིང་ཆེན་གྱི་ལྗང་མདོག་རྩིས་ནུས་དང་ཚ་ནུས་ལྷག་མའི་དྲོད་རླངས་མཁོ་འདོན་བྱེད་སྟངས་ཞིང་ལས་ཐོན་སྐྱེད་ཁྲོད་སྤྱོད་པའི་རྣམ་གྲངས་ཐོག་མ་དེ་ཡ་རྫི་རྫོང་གི“རྨ་ཆུའི་ཞིང་འབྲོག་ཐོན་རྫས”ཞིང་ལས་རིག་ནུས་རྩིས་རྒྱག་ལྟེ་གནས་སུ་གཞིས་ཆགས་པ་རེད།

“རྨ་ཆུའི་ཞིང་འབྲོག་ཐོན་རྫས”ཞིང་ལས་རིག་ནུས་རྩིས་རྒྱག་ལྟེ་གནས་ཀྱི་རྣམ་གྲངས་ལ་ཁྱོན་མ་དངུལ་སྒོར་དུང་ཕྱུར་1ཙམ་གཏོང་རྩིས་ཡོད་པ་དང་། དོས་སྒམ་རྣམ་པའི་རྩིས་ནུས་ལྟེ་གནས་གསར་དུ་བསྐྲུན་རྒྱུ་ཡིན་པ། འཕྲུལ་ཆས་ཁང་དང་ཞབས་ཞུའི་ཡོ་ཆས་ཀྱི་གཞི་ཁྱོན་400pཡིན་པ་རེད། རྣམ་གྲངས་དེས་གླིང་ཁུལ་དུ་རྩིས་ནུས་དང་ཚ་ནུས་ལྷག་མ་ཟུང་དུ་འབྲེལ་བའི་ཉེར་སྤྱོད་རྣམ་པ་བཏོད་དེ་2MWདོས་སྒམ་རྣམ་པའི་གཞི་གྲངས་འཕྲུལ་ཁང་གི་ཚ་ནུས་ལྷག་མ་སྤྱད་དེ་གླིང་ཁུལ་གྱི་དྲོད་ཁང་སྨི་ངོས་གྲུ་ཁྲི་2ལ་དྲོད་རླངས་མཁོ་འདོན་བརྟན་པོ་བྱ་རྒྱུ་དང་དུས་མཚུངས་ཞིང་ལས་འདེབས་འཛུགས་ཀྱི་རིག་ནུས་རྩིས་རྒྱག་ཞིབ་དཔྱད་ཚད་ལེན་དང་། རིག་ནུས་དྲོད་ཁང་ལྟ་ཞིབ་ཚད་ལེན། འཕྲུལ་མིའི་ཤིང་འབྲས་འཐུ་བསྡུ། རིག་ནུས་ཅན་གྱི་ཐུམ་སྒྲིལ་རྒྱག་པ། མི་མེད་གནམ་གྲུས་སྡེབ་སྐྱེལ་སོགས་རིག་ནུས་ཞིང་ལས་ལ་ཞབས་འདེགས་ཞུ་རྒྱུ་དང་སྤྱོད་འགོ་ཚུགས་པ་དེས་དྲོད་ཁང་གི་དྲོད་རླངས་མཁོ་འདོན་མ་གནས་དམའ་རུ་ནུས་ལྡན་འགྲོ་རྒྱུ་དང་རིག་ནུས་ཞིང་ལས་ཀྱི་རྣམ་པ་གསར་པ་གསར་སྤེལ་བྱས་ཏེ། ཡ་རྫི་རྫོང་ལ་ལྗང་མདོག་གློག་ཤུགས་དང་། ལྗང་མདོག་རྩིས་ནུས། ལྗང་མདོག་ཚ་ནུས་ལྷག་མ། ལྗང་མདོག་ཞིང་ལས། ལྗང་མདོག་ཞིང་ལས་ཐོན་རྫས་ལས་སྣོན་ཞིབ་ཚགས་བཅས་ཀྱི་རྣམ་གྲངས་སྐྲུན་པར་འདེགས་སྐྱོར་ནུས་ལྡན་ཐུབ་རྒྱུ་རེད།

“རྨ་ཆུའི་ཞིང་འབྲོག་ཐོན་རྫས”ས་མཐོའི་དེང་རབས་ཞིང་ལས་ཐོན་ལས་གླིང་ཁུལ་གྱིས་རྨ་ཆུ་ལྟེ་བར་བྱས་ཏེ།“སྤུས་རྟགས་གཅིག(རྨ་ཆུའི་ཞིང་འབྲོག་ཐོན་རྫས)དང་། ལྟེ་གནས་གཉིས(དེང་རབས་ཞིང་ལས་ཚན་རྩལ་གསར་གཏོད་ཞབས་ཞུའི་ལྟེ་གནས་དང་གསོ་སྦྱོང་སྐྱོང་གསོའི་ལྟེ་གནས)ནུས་པའི་ཁུལ་བཞི(དཔེ་སྟོན་ཁུལ་དང་། ཐོན་སྐྱེད་ཁུལ། སྤྲོ་གསེང་ཁུལ། ཟོག་འགྲེམས་ཁུལ)བཅས་ཀྱི་བཀོད་པ་ཆགས་ཡོད། གླིང་ཁུལ་གྱི་ཐོན་འབབ་མཐོ་བའི་ཤིང་འབྲས་དང་སྔོ་ཚལ་གྱིས་ས་གནས་དེ་གའི་ཁྲོམ་རའི་དགོས་མཁོ་སྐོང་ཐུབ་པ་མ་ཟད། ད་དུང་ས་ཆ་གཞན་དུ་ཕྱིར་ཚོང་ཡང་བྱེད་ཀྱི་ཡོད། ལྗང་མདོག་དང་སྐྱེ་ལྡན་ཞིང་འབྲོག་ཐོན་རྫས་ཕྱིར་གཏོང་བྱ་ཡུལ་སྐྲུན་རོགས་བྱེད་པ་དང་ཆབས་ཅིག “ཡུལ་སྐོར་ལ་བརྟེན་ནས་ཞིང་ལས་དར་སྤེལ་གཏོང་བ་དང་ཞིང་ལས་དང་། རིག་གནས། ཡུལ་སྐོར། ཚོང་དོན”བཅས་ལས་རིགས་ལྔ་མཉམ་འདྲེས་འཕེལ་རྒྱས་གཏོང་སྟངས་བརྒྱུད་སྤྲོ་གསེང་ཞིང་ལས་དར་རྒྱས་ཤུགས་ཆེན་བཏང་ནས་ཡུལ་སྐོར་བ་ལྟ་སྐོར་དང་ཉམས་ལེན་བྱེད་པར་ཡོང་རྒྱུའི་ཡིད་དབང་བཀུག་སྟེ་ཞིང་ལས་ཐོན་རྫས་ཀྱི་ཟུར་སྣོན་རིན་ཐང་སྔར་བས་ཆེ་རུ་གཏོང་རྒྱུ་རེད།